بخصوص امتحان النقل من تحت التمرين
خلينا متفقين ان الى بيمتحن ا/حازم عبد التواب متزمت وجاد جداً بس هو بيتعامل بشكل مهني من وجهة نظره ... اكيد من الى بيشوفه من المحاسبين
يعني مرة بيقول لمحاسب انت هتتاجل ليوم كذا راح المحاسب كتب التاريخ على ايده راح شاط فيه وازاي تعمل كده وانت غير مهني وفي الحقيقة معاه حق جداً
صحيح الامتحان غير قانوني وليس على المستوى في تحديد من هو محاسب قانوني ام لا بس انا مع انه يمتحن وان الناس تقرأ وتتعلم وتابع كل جديد في كل مراحل شغلها بلاش تتعامل بعقليات ان ده شغلي واكل عيشي اعمل اي حاجة ف سبيل اني اجيب فلوس بس في اخلاقيات مهنة وامانة زي اي مهنة في الدنيا
حد هيجي يقولي امانة ايه مبقاش ينفع الكلام ده دلوقتي ... بس ردي كل واحد مسئول عن تصرفاته
وحد هيجي يقولي طب ازاي الامتحان مش قانوني وانت مقتنع هقولك لم تشوف محاسب قانوني عنده ٥٢ سنة وفاتح مكتب من ٩٨ وجاي ماسك المذكرة في ايده وعمال يحفظ قائمة المركز المالي وجي بيتكلم معاي علشان اشرح له معايير مراجعة وهو لو عرف سني هيضايق جداً من نفسه " المفروض"
طبعاً في كتير بيدخل يمتحن مساهمة زي استاذي الى كنت بشرحله وماسك المذكرات وعمال يحفظ ونزل دش طبعاً من وجهة نظري مش اسلوب مراقب حسابات
في محاسبين قانونيين ميعرفوش حاجة عن المحاسبة الا حساب الجاري ومش بيعرفوا يعملوا قيد
والمحاسبة والمراجعة عمرها ماكانت حفظ ابداً
فدي العينة الى نجحت من غير امتحان والعينة الى بتدرب المحاسبين دلوقتي والعينة الى بتخرج شباب من المحاسبين القانونين لازم يتعلم تاني من اول وجديد